Հետաքրքիր Փաստեր Суббота, 20.04.2024, 17:26
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Ջեքսոնի կոստյումները շուրջերկրյա ճամփորդության “կմեկնեն”

15-ամյա աղջնակը քաղաքապետ է դարձել

Հղի կինը ընկել է խոհանոցում և ժամեր անց ծննդաբերել է

Ինչպե՞ս կարող են արևայրուք ընդունել հղիները

Աշխարհի ամենահայտնի պատանին հրաժեշտ տվեց դպրոցին

Ինտելեկտը բարձրացնելու 5 միջոց

Աշխարհի ամենասեքսուալ բուսակերները` ըստ “PETA”-ի /ֆոտո/

Բժիշկները սխալմամբ հեռացրել են հիվանդի կոնքոսկրը

Ո՞րն է ՍԵՔՍԻ համար ԼԱՎԱԳՈՒՅՆ ԺԱՄԸ

[Անիմացիա]
Սեղմիր Класс

Արժե՞ արդյոք խոսել սեքսից հետո

Նախկին գեղեցկուհին չի կարողանում նիհարել ծննդաբերությունից հետո /ֆոտո/

Անհաջող սիրային կապ. ինչպես հասկանալ

Հայ դեռահասները սեռական “ուսուցումը” սկսում են մարմնավաճառների մոտ

Ինչպե՞ս խոսել տղամարդու հետ սեքսի մասին

12-ամյա երեխան անգիր արտասանել է Ղուրանը 12 ժամում

Կրասնոդարի երկրամասում տեղատարափ անձրեւների պատճառով 10 մարդ է զոհվել

Ռոնալդուն` Եվրո-2012-ի ամենաշատ վրիպած ֆուտբոլիստ

Ամռանը կազմվածքը փչացնող հինգ հանգամանք

Поиск
Главная » 2013 » Մայիսի » 13 » Զինվորի արարքը «ախտորոշել են» որպես բոզություն, ստորացրել են ու հասցրել ինքնասպանության
09:03
Զինվորի արարքը «ախտորոշել են» որպես բոզություն, ստորացրել են ու հասցրել ինքնասպանության

Վերաքննիչ քրեական դատարանի վարույթում է նախկին զինծառայողներ Վիլհելմ Ենգիբարյանի, Հրանտ Կարապետյանի և Ռոբերտ Բադալյանի գործով բերված վերաքննիչ բողոքների քննությունը:

26-ամյա Վիլհելմ Ենգիբարյանը վաշտի ավագ էր, կոչումով՝ ենթասպա: Նա 2 և 3 տարեկան երեխաների հայր է:

Ժամկետային զինծառայող, 24-ամյա Հրանտ Կարապետյանը կոչումով կրտսեր սերժանտ էր, իսկ 22-ամյա Ռոբերտ Բադալյանը՝ նույնպես ժամկետային զինծառայող, կոչումով շարքային էր:

Սյունիքի մարզի ընդհանուր իրավասության դատարանը Համլետ Դավթյանի նախագահությամբ 2013 թվականի մարտի 15-ի դատավճռով երեք ամբաստանյալներին մեղավոր է ճանաչել համածառայող զինվորին ինքնասպանության հասցնելու համար:

Ըստ դատավճռի՝ Վիլհելմ Ենգիբարյանը, հանդիսանալով պաշտոնատար անձ, իր կոպիտ դիտողությունների ու դրսևորած կոպիտ վերաբերմունքի վերաբերյալ իր ստորադրյալ, ժամկետային զինծառայող, շարքային Թորգոմ Սարուխանյանի կողմից զորամասի իրային ծառայության պետին գանգատվելու առիթով 2011 թվականի հունվարի 23-ին, ժամը 21-ի սահմաններում սպայական սենյակ է կանչել վաշտում «հեղինակություն» վայելողներ Կարապետյանին ու Բադալյանին, պատմել Սարուխանյանի կատարածի մասին: Կարապետյանն ու Բադալյանը Սարուխանյանի արարքը «ախտորոշել են» որպես բոզություն: 

Սպայական սենյակ մտած Սարուխանյանի հետ պարզաբանում են կատարել: Ըստ դատավճռի՝ Ենգիբարյանը չարաշահել է իր պաշտոնեական դիրքը, կատարել իշխանազանցություն, հաշվեհարդար տեսնելու անձնական շահագրգռությունից ելնելով՝ Կարապետյանի ու Բադալյանի հետ բռնություն է գործադրել Սարուխանյանի նկատմամբ: Նրանք հարվածներ են հասցրել զինվորին, անվանել բ.., արածը՝ բոզություն: Ստորացրել են Սարուխանյանի պատիվն ու արժանապատվությունը, նվաստացրել նրան, միջանցքում գտնվող զինվորների ներկայությամբ նշավակել որպես բ..-ի և մատնիչի:

Բացի այդ, ծառայության բերումով պարբերաբար հանդիպելով իր ենթակա, իրենից ծառայողական կախվածության մեջ գտնվող Սարուխանյանին, Ենգիբարյանը շարունակել է չարաշահել իր դիրքը, ցինիկ վերաբերմունք դրսևորել զինվորի նկատմամբ, համածառայողների ներկայությամբ պարբերաբար անհիմն ստորացրել է նրա պատիվն ու արժանապատվությունը, զրպարտել մատնություն կատարելու համար: 

Նմանատիպ վարքագիծ են դրսևորել նաև զինծառայողներ Կարապետյանն ու Բադալյանը: Նրանք զրպարտել ու զինվորների ներկայությամբ պախարակել են Սարուխանյանին, պարբերաբար կրկնել, թե բ.. է, իրավունք չունի մյուս զինվորների հետ շփվելու: 

Ըստ դատավճռի՝ Սարուխանյանը, այլևս չդիմանալով իր նկատմամբ բազմիցս գործադրված ստորացուցիչ հալածանքներին, 2011 թվականի փետրվարի 12-ին, ժամը 16-ն անց 35 րոպեին, գտնվելով պահակային ծառայության մեջ, իրեն ամրակցված ինքնաձիգից պահակակետում մեկ կրակոց է արձակել կրծքավանդակի ձախ շրջանին և ինքնասպան է եղել:

Դատարանում Վիլհելմ Ենգիբարյանն իրեն մեղավոր չի ճանաչել: Հայտնել է, թե շարքից ուշանալու պատճառով դիտողություն է արել Սարուխանյանին, նա էլ գանգատվել է վերադասին: Վաշտում կատարվածն իրային ծառայության պետին հայտնելու համար ինքը մի թեթև ապտակել է Սարուխանյանին, Կարապետյանին ու Բադալյանին չի կանչել՝ նրա արարքի վերաբերյալ պարզաբանում կատարելու: 

Ընդհանրապես, ինքը Սարուխանյանի հետ շփում չի ունեցել, կարիքը լինելու դեպքում օգնել է նրան ու ընդառաջել: 

Դեպքի օրն ինքը տանն է եղել: Չգիտի, թե Սարուխանյանն ինչու է ինքնասպանություն գործել:

Դատարանում իրենց մեղավոր չեն ճանաչել նաև Հրանտ Կարապետյանն ու Ռոբերտ Բադալյանը: Ասել են, թե Սարուխանյանի արժանապատվությունը չեն նսեմացրել, միայն բացատրել են, որ ներսում կատարվածը չի կարելի այլ տեղ ասել: 

Ըստ Կարապետյանի՝ չի եղել մի դեպք, որ ինքը Սարուխանյանին հարվածեր կամ արժանապատվությունը վիրավորեր: Ինքը զարմացել է, որ իրեն մեղադրել են Սարուխանյանին ինքնասպանության հասցնելու համար: Ինքը չի ստիպել, որ Սարուխանյանը հոր արևով երդվի, թե զինվորների արարքների մասին վերադասին չի հայտել: 

Նախաքննական ցուցմունքում Կարապետյանն ընդունել է, թե ինքը Սարուխանյանին դիտողություն է արել միայն. «Մեծ մարդ ես, չես ամաչո՞ւմ, ամոթ ա, տենց բաներ մի արա»: Հետո մի թեթև ապտակել է: Դեպքի նախորդ օրն էլ մարտավարական դասընթացի դասամիջոցի ժամանակ դիմելով Սարուխանյանին՝ հարցրել է. «Կարող ա՞ զինվորների վրով էլ ես կապիտանին ասում»: Սարուխանյանն էլ պատասխանել է. «Չէ, երդվում եմ, բան չեմ ասել: Հորս արև, չեմ ասել»: 

Ռոբերտ Բադալյանը, դատարանում իրեն մեղավոր չճանաչելով, կարծիք է հայտնել, թե Սարուխանյանն ինքնասպան է եղել անձնական պատճառներով:

Նախաքննական ցուցմունքում Բադալյանն ընդունել է, որ Սարուխանյանի արարքը մի անգամ բ..ություն է անվանել ու ոտքով մեկ անգամ հարվածել է նրան հետևից: Ուրիշ խոսակցություն այդ թեմայով չի եղել:

Թորգոմ Սարուխանյանը առողջական պատճառներով պիտանի էր ճանաչվել ոչ շարային ծառայության համար: Զորակոչվել էր 2009 թվականի դեկտեմբերի 9-ին: Ծառայությունից դժգոհ չէր եղել, զբաղվել էր քարտեզներ գծելով: Համածառայողներից շատերն էին իրենց ցուցմունքներում զարմանք հայտնել, որ Թորգոմն ինքնասպանություն է գործել:

Տուժողի իրավահաջորդը դժգոհ է եղել նախաքննությունից և դատաքննությունից, նրա կարծիքով՝ իր որդին չէր կարող ինքնասպան լինել, նա հավասարակշռված, համեստ տղա էր: Սիրած աղջիկ դեռ չուներ, աղանդավոր չէր: Մոր կարծիքով՝ որդին սպանվել էր, ոչ թե՝ ինքնասպան եղել:

Համածառայողներից մեկը՝ վկա Խաչատրյանը, նախաքննական ցուցմունքում հիշել է, որ դեպքի օրը, ժամը 13-ի սահմաններում Թորգոմ Սարուխանյանը մոտեցել է իրեն ու հարցրել. «Ինչպե՞ս է ստացվում, որ մեր դիրքերում զինվորները մեկը մյուսի վրա կրակում են, չե՞ն մտածում, որ ծնողներ, ընկերուհի ունեն»: Հարցրել է Խաչատրյանին. «Եթե դու լինես նրանց տեղը, նման բան կանե՞ս»: Խաչատրյանն էլ պատասխանել է.«Հո գիժ չե՞մ, որ նման բան անեմ, ծնողներ ու ընկերուհի ունեմ, նրանց մասին էլ եմ ես մտածում»: Սարուխանյանը լուռ հեռացել է:

Սպանված Սարուխանյանի մոտ հայտնաբերվել է երկտող, որն սկսվել է հետևյալ բառերով. «Այս վորոշումը»... Երկտողում գրված էր, թե որոշումն ինքն է կայացրել, ոչ ոք իր մահվան համար մեղավոր չէ: Վերջում՝ ստորագրություն: Ինքնասպանի երկտող, մի խոսքով: Դատաձեռագրաբանական փորձաքննության եզրակացությամբ՝ երկտողը գրված է Թորգոմ Սարուխանյանի ձեռագրով:

Ինքնասպանությունից օրեր առաջ՝ հունվարի 15-ին, Թորգոմ Սարուխանյանի ծննդյան օրն էր: Մայրն ու կրտսեր եղբայրն այցելել էին նրան: Թորգոմը որևէ դժգոհություն չէր հայտնել: Փետրվարի 11-ին նա մոր հետ խոսել էր հեռախոսով: Փետրվարի 12-ին մայրն իմացել էր որդու մահվան մասին:
ԶՈՒ ԱՀՏԱ վարչության պետի կողմից տրված եզրակացությամբ՝ շարքային Թ. Սարուխանյանն ինքնասպանություն է գործել «վաշտում տեղի ունեցող դեպքերի մասին վերադաս հրամանատարությանը տեղեկացնող անձնավորություն համարվելու պատճառով համածառայողների կողմից ստեղծված անելանելի վիճակի, կոլեկտիվում նսեմացվելու հետևանքով, վիճակ, որն էլ միջանձնային բարդությունների է հանգեցրել՝ տանելով համածառայողների կողմից մարդկային ճակատագրերը փողոցային բարքերով տնօրինելուն՝ պիտակավորելով որպես «ծախող անձնավորություն»:

Դատահոգեբանական փորձագետի եզրակացությամբ՝ ինքնասպանությանը նախորդած ժամանակահատվածում Թ. Սարուխանյանը գտնվել է հոգեկան լարված վիճակում: Վիլհելմ Ենգիբարյանի, Հրանտ Կարապետյանի, Ռոբերտ Բադալյանի գործողությունների և Թորգոմ Սարուխանյանի՝ ինքնասպանություն կատարելուն նախորդած հոգեվիճակի միջև, ըստ փորձագետի, ամենայն հավանականությամբ գոյություն ունի պատճառահետևանքային կապ:

Ընդհանուր իրավասության դատարանը ամբաստանյալներին մեղավոր է ճանաչել շարքային Թորգոմ Սարուխանյանին ինքնասպանության հասցնելու համար:

Վիլհելմ Ենգիբարյանը և Ռոբերտ Բադալյանը դատապարտվել են 5 տարի, Հրանտ Կարապետյանը՝ 5 տարի 6 ամիս ազատազրկման: Պատիժների սկիզբը՝ 2011 թվականի փետրվարի 17-ից:

1in.am
Просмотров: 650 | Добавил: Stepan | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2024