ԱՄՆ-ի Մերիլենդ նահանգում բնակվող Բրուք Գրինբերգն արդեն 20 տարեկան աղջիկ է, սակայն նրան նայելիս անհնար է հավատալ այդ փաստին, քանի որ նա արտաքուստ նման է 3-4 տարեկան երեխայի, գրում է Yahoo! News-ը։

Բացառիկ հիվանդության պատճառով, որի բուժման տարբերակը չեն կարողանում գտնել տարբեր մասնագետներ արդեն բազում տարիներ, աղջիկը ոչ միայն ֆիզիկապես չի աճում, այլ նաև կանգ է առել նրա մտավոր զարգացումը։

«Չորս տարեկանից հետո նրա աճը դադարեց։ Այդ ժամանակվանից ի վեր երեխայի քաշը մնացել է 7.3 կգ, իսկ հասակը՝ 50 սմ»,- պատմել է աղջկա հայրը՝ Հովարդ Գրինբերգը։ 

Թեև Բրուքը 20 տարեկան է, սակայն նա դեռևս կրում է տակդիրներ, սնվում շշով և զբոսանքի գնում մանկասայլակով։ Բժիշկներն աղջկա ծնողներին հայտնել են, որ աշխարհում որևէ նման դեպք դեռևս չի արձանագրվել։