Երկարատեւ սննդամթերքի ծամելը թույլ կտա ոչ միայն խուսափել մարսողական խնդիրներից, այլ նաեւ շաքարախտից, - նշում է The Daily Mail-ը: Սակայն նրանք, ովքեր նախընտրում են արագ ուտել, կուլ տալով մեծ կտորներ - 2.5 անգամ ավելի հաճախ են ավելորդ քաշ հավաքում եւ դիաբետով հիվանդանում: 

Այդ օրինաչափությունը հայտնաբերել են լիտվական մասնագետները, վերլուծելով 702 մարդկանց որպիսությունը: Նրանցից 234 մոտ շաքարախտ է ախտորոշվել: Ուսումնասիրության բոլոր մասնակիցները պետք է լրացնեյին կենսակերպի մասին հարցաշարը եւ քաշի չափում անցնեին: Գիտնականներին նաեւ հետաքրքրել է թե կամավորները ինչ արագությամբ են ուտում:

Եզրակացությունները միանշանակ էին,` եթե անձը արագ է ուտում, նա հայտնվում է 2 տիպի դիաբետի ռիսկի խմբում: Լիտվայի բժշկական համալսարանի մասնագետների խոսքով, դիաբետի զարգացումը ուղակի կախված է ինչպես գենետիկ, այնպես էլ արտաքին գործոններից: Այն արագությունը, որով մարդը ուտում է, հենց արտաքին գործոնի օրինակ է:

Ցավոք, պարզել որն է տվյալ օրինաչափության պատճառը գիտնականներին չի հաջողվել: Ճիշտ է մասնագետները ավելի վաղ ապացուցել էին, որ մեծ արագությամբ սննդի կուլ տալը սննդամթերքի սպառման ծավալի աճի է բերում: Որքան շատ է մարդ ուտում, այնքան բարձր է գիրանալու ռիսկը, իսկ գիրությունը շաքարախտի է հանգեցնում: