ԾԱԿԵԼ
Երազում ծակոց զգալը նշանակում է ինքնասիրության խոցում։ Եթե երազում զգացել եք ապակու կամ այլ բեկորի ծակոց, ապա ձեզ սպասվում են նախանձախնդիր մարդկանց խոսակցություններ։
ԾԱՂԻԿ
Անմոռուկն անցած զգացմունքները, սիրելի մարդուն հիշելու նշան է։ Աստղածաղիկը նշանակում է խորամանկություն, հանդգնություն։ Արևածաղիկը նշանակում է անսահման նվիրվածություն և վստահելիություն։ Երիցուկը նշանակում է անորոշություն և դրա հետ կապված ապրումներ, տխրություն։ Խատուտիկը խորհրդանշում է մարգարեական շնորհ, վտանգի կանխազգացում։ Կապույտ տերեփուկը համեստության նշան է։ Հովտաշուշանն անմեղ չարաճճիության, անվնաս կոկետության նշան է։ Ձնծաղիկը վերածննդի, նոր հույսերի, մխիթարանքի նշան է։ Մանուշակը խորհրդանշում է համեստություն, որի հետևում թաքնված են բուռն զգացմունքներ։ Մեխակն արժանապատվության և մեծարանքի նշան է։ Մարգիզը փառասիրության և ինքնահիացման խորհրդանիշն է։ Շուշանը մաքրության, անմեղության, սրբության խորհրդանիշն է։ Վարդը սիրո և գեղեցկության խորհրդանիշն է։ Վարդակակաչը կանխատեսում է հանդիպում մի ինքնագոհ և հպարտ մարդու հետ, որին դուք կսիրահարվեք։ Քաջվարդը զղջման և ամոթանքի նշանէ։

ԾԱՂՐԱԾՈՒ
Երազում ծաղրածու տեսնելը խաբեության և խայտառակության նշան է։ Երազում ինքներդ ծաղրածու լինելը նշանակում է անհաջողություն և նվաստացում։
ԾԱՄԱԾՌՈՒԹՅՈՒՆ
Երազում ծամածռություն անելը կամ տեսնելը, թե ինչպես Են ուրիշներն անում, նշանակում էխայտառակություն կամ նվաստացում։
ԾԱՌ
Երազում կանաչ, սաղարթախիտ ծառ տեսնելը նշանակում է երջանկություն և հաջողություն։ Առանց տերևների ծառ տեսնելը նշանակում է գործերում անհաջողություն և կորուստ։ Ձեր աչքի առջև աճող ծառեր տեսնելը նշանակում է ստեղծագործական կյանքում հաջողություններ։ Երազում ծառ բարձրանալը նշանակում է մեծարանք և պաշտոնի բարձրացում։ Երազում ծառի կոճղ տեսնելը, եթե այն փտած չէ, նշանակում է լուրջ գործի հիմք։
ԾԱՐԱՎ
Երազում ծարավի զգացողություն ունենալը և այն թարմ և համեղ ջրով հագեցնելը նշանակում է հաճելի ժամանց և ապահով, բարեկեցիկ կյանք։ Եթե այն ջուրը, որ դուք խմել եք կեղտոտ և տհաճ էր, ապա ձեզ սպասվում է տխրություն և անախորժություն։
ԾԱՓԱՀԱՐՈՒԹՅՈՒՆ
Երազում ձեր պատվին ծափահարություն լսելը նախազգուշացնում է զրպարտության մասին։

ԾԵԾԵԼ
Եթե երազում դուք վիճել եք ձեր ամուսնու կամ կնոջ հետ, ապա ձեր ընտանիքում կիշխեն խաղաղությունը և համերաշխությունը։ Ամուրիներին այսպիսի երազը կանխատեսում է սիրային արկած և փոխադարձ սեր։ Եթե երազում դուք դաժանաբար ծեծել եք ինչ որ մարդու կամ կենդանու, ապա ձեզ սպասվում են մեծ կորուստներ, հոգեկան ապրումներ, սուգ և արցունքներ։
ԾԵՐՈՒՆԻ
Երազում ծերունի տեսնելը նշանակում է հոգնածություն և հանգստի կարիք։ Եթե երազում ձեզ ծեր եք զգում, ապա այսպիսի երազը կանխատեսում է վատ լուրեր կամ մեծ դժվարությունների հաղթահարում։
ԾԻԾԱՂ
Երազում ուրախ ծիծաղելը նշանակում է լավ նորություն ստանալ, որն էլ առիթ կհանդիսանա ձեր ուրախության համար։ Երազում տեսնել, թե ինչպես են ուրիշները ծիծաղում ինչ որ մեկի վրա, լսել հիստերիկ ծիծաղ նշանակում է, որ ձեզսպասվում են անախորժություններ։
ԾԻԾԵՌՆԱԿ
Ծիծեռնակը նշանակում է տնից նորություններ ստանալ։
ԾԽԱԽՈՏ
Երազում ծխախոտը հանգստության, բարեկեցության և հաճույքի խորհրդանիշն է։ Նրա ծուխը և համը կյանքում կարող են ձեզ արբեցնել, և եթե այդպիսի բան ձեզ հետ պատահում է երազում, ապա ձեզ սպասվում է հաճույք, առատություն և հաճելի մարդկանց հետ հանդիպումներ։ Եթե ծխախոտի բույրը ձեզ տհաճ է, ապա պետք է զգուշանալ խաբեբաներից և նախանձախնդիր մարդկանցից։ Ծխախոտի մնացորդները մանր հոգսերի նշան են։
ԾՆՆԴԱԲԵՐՈՒԹՅՈՒՆ
Երազում ծննդաբերելը նշանակում է, որ դուք փորձում եք կյանքի կոչել մի ծրագիր, որը ձեզ համար կստեղծի բազում հոգսեր։ Ծննդաբերության ժամանակ ներկա լինելը նշանակում է տխրություն։
ԾՆՆԴՅԱՆ ՕՐ
Ծննդյան օր նշելը ապագայի համար կարևոր նորություն ստանալու նշան է։
ԾՈՎ
Երազում խաղաղ և հանգիստ ծով տեսնելը դադարի, գործերի հետաձգման նշան է։ Երազում անհանգիստ ծով տեսնելը գործերում խոչընդոտների նշան է։
ԾՐԱՐ
Երազում ծրարը նշանակում է կարևոր նորությունների ստացում, ինչ որ գաղտնիքի բացահայտում կամ գաղտնի փաստաթղթերի մատչելիություն։ Ծրար կնքելը անհաջողության նշան է։
ԾՈՒԽ
Երազում ծուխ տեսնելը նշանակում է վիճաբանություն, անորոշություն, սեփական կարգավիճակից դժգոհություն։
________________________________________

ԿԱՀՈՒՅՔ
Երազում կահույք տեսնելը նշանակում է կյանքի դասավորում, նրա բարեհաջող ընթացքը։ Երազում ձեր տան կահույքը որքան լավ և ճոխ լինի, այնքան բարեկեցիկ կլինի ձեր վիճակը։ Երազում նոր կահույքը հնով փոխարինելը նշանակում է հարազատ մարդու ճահ։
ԿԱՂ
Երազում կաղ լինելը նշանակում է գործերում խոչընդոտների հանդիպել։ Երազում կաղ մարդու տեսնելը նշանակում է գործերի հետաձգում։
ԿԱՅԱՐԱՆ
Երազում երկաթգծի կայարան տեսնելը նշանակում է հարազատ մարդու ժամանում։ Կայարանում գտնվելը նշանակում է, որ դուք շուտով ճանապարհորդության կմեկնեք։
ԿԱՇԻ
Երազում կաշի տեսնելը կամ կրելը եկամտաբեր գործի կամ խոշոր շահումի նշան է։ Երազում մաշկի վրա կաշին զգալը նշանակում է եկամուտ և տանն առատություն։ Սեփական մաշկը տեսնել գեղեցիկ, հարթ և մետաքսանման գոհունակության, ուրախության և ստեղծագործական հաջողության նշան է. իսկ թառամած, կնճռոտվածևչոր մաշկը՝ անհաջողության։
ԿԱՌՈՒՑԵԼ
Երազում ինչ-որ բան կառուցելը նշանակում է մեծ եկամուտներ։ Մեծ
շինարարություն սկսելը մեծ հույսերի նշան է։

ԿԱՏԱՂՈՒԹՅՈՒՆ
Եթե երազում դուք կատաղել եք և չեք կարողանում կառավարել ձեր արարքները, ապա ձեզ սպասվում են շատ դժվարություններ, դուք կարող եք դառնալ դժբախտ պատահարի զոհ։
ԿԱՏՈՒ
Երազում կատուն նշանակում է գողեր, խաբեբաներ, նախանձախնդիր մարդիկ։ Երազում կատվաձագեր տեսնելը նշանակում է հիվանդություն։ Սև կատու տեսնելը դժբախտության նշան է։
ԿԱՐԱԳ (ՅՈՒՂ)
Երազում թափված յուղ տեսնելը կամ յուղով պատված լինելը լավ ժամանցի, նորությունների, հանդիպման, նվերների ստացման մասին է վկայում։
ԿԱՐԴԱԼ
Երազում կարդալը նշանակում է կարևոր տեղեկատվություն կամ նորություններ ստանալ, որոնք ձեզ կնպաստեն դժվարին կացությունից դուրս գալուհամար։
ԿԱՐԵԼ
Երազում կտոր ձևելը բաժանման, ամուսնալուծության, վիճաբանության նշան է։ Երազում վաղուց սկսած կարն ավարտելը նշանակում է գործերի բարեհաջող ավարտ։
ԿԱՐԿՈՒՏ
Երազում կարկուտը նշանակում է ծրագրերի խափանում, սպասելիքների չիրականացում կամ անսպասելի վտանգ։ Եթե կարկուտը ուրախության զգացում է պատճառում ձեզ, ապա երազը կանխատեսում է գործերի բարեհաջող ընթացք և հաջողություն։
ԿԵՂԾ
Երազում կեղծ փաստաթղթերից օգտվելը նշանակում է մեծ վտանգ կամ հետապնդում արդարադատության կողմից։
ԿԵՐՈՒԽՈՒՄ ԱՆԵԼ
Երազում մասնակցել ուրախ կերուխումի կամ տեսնել գինովցած մասնակիցների նշանակում է, որ դուք մեծ կորուստ կունենաք կամ կհիվանդանաք։
ԿԻՆ
Կնոջ վերաբերյալ յուրաքանչյուր երազը վեճերի նախանշան է։ Երազում կինն ինքն իրեն մերկ տեսնելը անարգանքի և նվաստացման նշան է։ Երազում կնոջը համբուրելը տխրության և հիասթափության նշան է։ Աղոթող կին տեսնելը դժբախտության մեջ մխիթարանքի նշան է, հղի կին տեսնելը՝ հոգսերի, երեխան գիրկը կին տեսնելը՜ մեծ հոգսերի և դժվարությունների նշան է։
ԿԻՏՐՈՆ
Երազում բերքով լի կիտրոնի ծառ տեսնելը խանդի կամ նախանձի նշան է։ Երազում կիտրոն տեսնելը նշանակում է ապրումներ, սուգ, վիշտ, տխրություն։
ԿԻՍԱՇՐՋԱԶԳԵՍՏ
Եթե երազում կինը կիսաշրջազգեստ է փորձում նշանակում է նոր սիրային
արկածներ։ ժանյակներով կիսաշրջազգեստը երջանիկ սիրո նշան է։ Կեղտոտ, պատռված կիսաշրջազգեստը նշանակում է վիրավորանք։
ԿԿՈՒ
Երազում ձայն հանող կկուն միայնության և դժբախտ ընտանեկան կյանքի նշան է։
ԿԱՄԱԽՔ (ԳԱՆԳ)
Երազում կմախք կամ գանգ տեսնելը նշանակում է անհաջողություն, գործերի կամ հարաբերությունների անհաջող ավարտ։
ԿՅԱՆՔ
Երազում ուրիշի կյանք տեսնելը նշանակում է փոփոխություն։

ԿՈՇԻԿ
Երազում կոշիկ տեսնելը նշանակում է ճանապարհ կամ աշխատանքի բնույթ, իսկ զույգ կոշիկ տեսնելը նշանակում է, որ դուք ձեր կյանքով բավարարված չեք և զուգընկեր եք փնտրում։ Նոր, թանկարժեք, հարմարավետ կոշիկ տեսնելը նշանակում է, որ ձեր կյանքը բարեհաջող կերպով կդասավորվի։ Եթե տեսել եք, որ ձեր կոշիկը վնասվել է, պատռվել է և այլևս հնարավոր չէ կրել այն, ապա ձեր կյանքում սպասվում են փոփոխություններ դեպի վատը։
ԿՈՆ
Երազում կոն հավաքելը նշանակում է հարստություն կամ մեծ գումարի ստացում իրադարձությունների բարեհաջող ընթանալու արդյունքում։
ԿՈՆՖԵՏ
Երազում կոնֆետ տեսնելը կանխատեսում է հաճույք, հաճելի նորություն, հաճելի մարդկանց հետ հանդիպումներ և կյանքի վայելում։ Երազում թթու կամ դառը կոնֆետ ուտելը վատ նշան է։
ԿՍՄԹԵԼ
Եթե երազում ձեզ կսմթում են, ապա պետք չէ հավատալ անտեղի բամբասանքներին։ Երազում ինքներդ ձեզ կսմթելը նշանակում է, որ ձեզ ցանկանում են խաբել։
ԿՏՈՐ
Երազում կտոր գնելը նշանակում է ձեզ սպասվում է հաճույք։ Երազում կտոր չափելը նշանակում է ճանապարհ։ Թանկարժեք կտորը կանխատեսում է բարձր պաշտոն, ապահովված կյանք, բարեկեցություն, հարստություն, բարենպաստ ճանապարհորդություն։ էժանագին և կոպիտ կտորը աղքատության, կարիքի, հիասթափության նշան է։
ԿՏՐԵԼ
Երազում կտոր կտրելը նշանակում է տոնակատարության մասնակցություն։ Երազում ինչ որ բան կտրել և դեն նետելը նշանակում է հարաբերությունների խզում կամ ինչ որ աշխատանքի ավարտ։ Երազում ավելորդություն կտրելը կանխատեսում է ավելորդ ծախսեր։
ԿՐԱԿ
Երազում կրակ տեսնելը նշանակում է բռնկուն բնավորություն, վեճեր, չարություն, վտանգ, եթե կրակն անսպասելի է հայտնվում ձեր երազում։ Եթե երազում փորձում եք պահպանել այդ կրակը և չթողնել, որ այն մարի, ապա այդ կրակը խորհրդանշում է կյանքի, երջանկության, բարեկեցության համար մղվողձեր պայքարը։
ԿՐԱԿԵԼ
Երազում կրակի ձայն լսելը վտանգի, անհաջողության նշան է։ Ինքներդ կրակելը նշանակում է վիրավորանք, անարգանք։ Նշանակետին դիպչելը հաջողության նշան է, իսկ վրիպելը՝ հիասթափության։
ԿՐԻԱ
Երազում կրիա տեսնելը համբերության, դանդաղ իրադարձության նշան է։
________________________________________

ՀԱԳՈՒՍՏ
Երազում նոր հագուստ կրելը կապված է նոր պլանների հետ և կանխատեսում է հաջողություն գործերում, նոր ծանոթություններում, հարաբերություններում։ Ցնցոտիներ, հնամաշ հագուստ տեսնելը կարիքի նշան է։ Եթե երազում տեսել եք, որ կրում եք շատ հագուստ, ապա սպասվում են անախորժություններ։
ՀԱՂԹԵԼ
Երազում հաղթելը երազանքների իրականացման և կարողություն ստանալու նշան է։ Սակայն եթե հաղթանակը անարդար կերպով եք ձեռք բերել, ապա կարող եք կորցնել այն, ինչ ձեռք եք բերել։
ՀԱՄԲՈՒՅՐ
Եթե երազում ձեր սիրելին ձեզ համբուրում է, ապա շուտով կլսեք նրա դավաճանության մասին։ Անծանոթին համբուրելը նույնպես նշանակում է, որ ձեր սիրելին ձեզ դավաճանում է։ Երազում ծնողներին համբուրելը գործերում հաջողության և ընտանիքում խաղաղության նշան է։ Ամուսիններն իրար համբուրելը ընտանիքում երջանկության և ներդաշնակության նշան է։
ՀԱՄԵՐԳ
Երազում համերգին ներկա լինելը և երաժշտություն լսելը տխրության մխիթարանքի նշան է։ Համերգից վատ տպավորություններ ստանալը անախորժությունների, վատ նորությունների նշան է։
ՀԱՅԵԼԻ
Երազում հայելի տեսնելը փոփոխության նշան է։ Երազում ամբողջ հասակով հայելու մեջ տեսնելը ամուսնության նշան է։ Որքան աղքատիկ է հայելու շրջանակը, այնքան աղքատ կապրեք միայնակ կամ ձեր ամուսնու հետ։ Երազում հայելի կոտրելը նշանակում է, որ ձեր երազանքները և սպասումները չեն իրականանա։ Փոքրիկ հայելի տեսնելը նշանակում է սիրային արկածներ։
ՀԱՅՐ
Երազում մահացած հորը տեսնելը հիվանդության կամ ժառանգություն ստանալու նշան է։ Երազում հոր հետ վիճելը անհաջողության նշան է։ Երազում հորը երջանիկ տեսնելը նշանակում է,որ դուք լուր կստանաք տանից։
ՀԱՆԴԻՊՈՒՄ
Երազում անսպասելի հանդիպումը հոգեկան զրույցի նշան է։

ՀԱՆՐԱԳԻՏԱՐԱՆ
Երազում հանրագիտարան տեսնելը նշանակում է նորություն ստանալ, որին անհամբերությամբ սպասում էիք։ Երբեմն երազը նշանակում է, որ դուք կգտնեք ձեզ հուզող հարցի պատասխանը։
ՀԱՆՑԱԳՈՐԾՈՒԹՅՈՒՆ
Երազում հանցագործություն գործելը ևանպատիժմնալը նշանակում է, որ ձեզ կհաջողվի իրագործել վտանգներով լի մի գործ։
ՀԱՐԿ
Երազում հարկը նշանակում է բարձրանալ սոցիալական աստիճանով։ Մեկ հարկը մյուսի հետևից հաղթահարելովվեր բարձրանալը հաջողության նշան է։
ՀԱՐՍԱՆԻՔ
Երազում հարսանիքի մասին զրույց լսելը կամ մասնակցություն ունենալը տխրության նշան է։ Հարսանիքին կամ եկեղեցում պսակադրությանը ներկա գտնվելը հիվանդության, տխրության նշան է։
ՀԱՐՍՆԱՑՈՒ(ՓԵԱԱՑՈՒ)
Երազում հարսնացու կամ փեսացու լինելը տխրության կամ հիասթափության նշան է, իսկ նրանց տեսնելը խարդավանքի նշանէ։
ՀԱՐԵՎԱՆ
Հարևանների վերաբերյալ յուրաքանչյուր երազ ընտանեկան հոգսերի, անհանգստության, անախորժության և բամբասանքների նշանէ։
ՀԱՑ
Երազում սպիտակ հաց տեսնելը եկամտի և գործերում հաջողության նշան է։ Երազում սևհաց ուտելը կորստի նշան է։ Երազումչոր հաց տեսնելը կամ ինչ որ մեկից ստանալը նշանակում է, որ ձեր կյանքում սպասվում են դժվար ժամանակներ։ Թթվասերի կամ մեղրի մեջ հաց ընկղմելը հարստության և բարեկեցության նշան է։
ՀԵԾԱՆԻՎ
Երազում հեծանիվ վարելը նշանակում է, որ ձեր գործերն արագորեն առաջ կընթանան։ Բայց դուք չպետք է հույս ունենաք, որ ձեր կյանքը հանգիստ է ընթանալու, քանի որ առջևում ձեզ սպասվում են բազում խնդիրներ և անախորժություններ։
ՀԵՏԱՊՆԴՈՒՄ
Եթե երազում դուք տեսել եք, որ ձեզ հետապնդում են հանցագործներ, թշնամիներ, մարդասպաններ, ապա ձեզ սպասվում են բազում փորձություններ և անախորժություններ, որոնք կարող են ձեզ վախեցնել։
ՀԵՏՔ
Երազում ինչ որ իրի կամ առարկայի վրա հետք տեսնելը ամոթի, անարգանքի, քննադատության կամ նորության նշան է։
ՀԵՌԱԳԻՐ
Երազում հեռագիր ստանալը նշանակում է, որ դուք շուտով անսպասելի նորություն կստանաք։
ՀԵՌԱԽՈՍ
Երազում հեռախոս տեսնելը նշանակում է անհանգստություն և անհաջողություն գործերում, որոնց հետ մեծ հույսեր էիք կապում։ Երազում հեռախոսի զանգ լսելը կանխատեսում է, որ դուք անսպասելի նորություն կստանաք։
ՀԵՔԻԱԹ
Երազում հեքիաթ լսելը նշանակում է, որ ինչ որ մեկը կփորձի ձեզ խաբել։ Երազում ինչ որ մեկին հեքիաթ պատմելը նշանակում է, որ դուք պետք է հնարամտություն իրագործեք, եթե ցանկանում եք իրականացնել ձեր նպատակը։
ՀԻՄԱՐ
Երազում հիմար լինելը աղքատ մարդու համար նշանակում է եկամուտ ստանալ կամ գործերում հաջողություն ունենալ, իսկ հիվանդ մարդու համար՝ ապաքինում։ Երազում հիմար մարդու հանդիպելը նշանակում է անսպասելի անախորժություն։
ՀԻՄԱՐՈՒԹՅՈՒՆ
Երազում հիմարություն անելը նշանակում է, որ իրական կյանքում դուք կհայտնվեք անհարմար դրության մեջ։ Երազում տեսնել, որ ինչ որ մեկն անմտություն է անում, նշանակում է ծախսեր են սպասվում։
ՀԻՆ ԻՐԵՐ
Երազում հին հրեր տեսնելը նշանակում է աղքատություն և կորուստ։ Հին իրերից երազում ազատվելը հակառակ նշանակությունն ունի։
ՀԻՍՈՒՍ
Հիսուսի մասին երազ տեսնելը տխրության, մխիթարանքի և դժվարին պահին աջակցության նշան է։
ՀԻՎԱՆԴԱՆՈՑ
Երազում հիվանդանոց տեսնելը հաջողության, առողջության, բարեկեցության նշան է։ Երազում հիվանդանոցում հայտնվելը կանխատեսում է, որ դուք շուտով անցանկալի փորձության եք ենթարկվելու, որը կհաջողվի հաղթահարել ընկերների օգնությամբ։
ՀՂԻՈՒԹՅՈՒՆ
Հղիության մասին երազը կանխատեսում է նոր ծրագրերի հետ կապված խնդիրներ։ Երազում գեղեցիկ հղի կին տեսնելը և հիանալը անսպասելի եկամտի նշան է։ Եթե հղի կինը տգեղէ, ապա ձեզ սպասվում են բազում հոգսեր։
ՀՅՈՒՐ
Երազում հյուրեր ընդունելը նշանակում է, որ շուտով ձեր ընտանիքում անսպասելի իրադարձություն տեղի կունենա։ Անկոչ հյուրերը բամբասանքների, խաբեության, շրջապատի նախանձի նշանեն։
ՀՈԼ
Երազում տեսնել, թե ինչպես է հոլը պտտվում, նշանակում է, որ ձեր կյանքում իրադարձություններն արագ են ընթանալու, որի հետևանքում այդ ամենի մասին մտածելու ժամանակ չեք ունենա։
ՀՈՂ
Երազում լավ խնամված, այգիներով հող տեսնելը ընտանեկան մեծ երջանկության նշան է։ Կանաչով կամ մամուռով պատված հող տեսնելը հարստության կամ շահույթով ամուսնության նշան է։ Երազում անպտուղ հող տեսնելը անհաջողության և կորստի նշան է։ Նավից ցամաքը տեսնելը բազում ապրումներից հետո ձեռք բերված հաջողության նշան է։
ՀՈՎՀԱՐ
Երազում հովհար տեսնելը նշանակում է, որ ձեր թեթևամիտ վարքը ձեզ մեծ վնաս կպատճառի։
ՀՐԱՇՔ
Երազում ինչ որ հրաշք տեսնելը մեծ հույսերի նշան է։
ՀՐԱՊԱՐԱԿ
Եթե երազում դուք տեսել եք մարդկանցով լի մեծ հրապարակ, ապա սպասվում են ազգային բողոքներ, ցույցեր, որոնք ուղղված կլինեն կառավարության անարդարությունների դեմ։ Երազում դատարկ հրապարակը նշանակում է, որ ոչինչչի խախտի ձեր կյանքի անդորրը։
ՀՐԴԵՀ
Երազում հրդեհ տեսնելը կորստի, անհաջողության նշան է։ Երազում հրդեհի ահազանգլսելը կարևոր ևհրատապ իրադարձությունների նշան է։
ՀՐԵՇ
Երազում հրեշ տեսնելը սննկացման, ծանր հիվանդության նշան է։ Երազում հրեշին հաղթելը նշանակում է, որ դուք մեծ հաջողություն կունենաք գործերում ևմեծեկամուտ կստանաք։
ՀՐԵՇՏԱԿ
Երազում տխուր հրեշտակ տեսնելը մեծ տխրության կամ հարազատի մահվան նշան է։ Երազում գեղեցիկ հրեշտակ տեսնելը նշանակում է, որ դուք հաճելի լուրեքստանալու։

loveyou.am