Արաքսիան մինչև օրս ուշքի չի գալիս երկու տարի առաջ տեղի ունեցած պատահարից հետո: Այդ օրը պիտի լիներ իր կյանքի ամենաերջանիկ ու անմոռաց օրը. Այն, իհարկե, անմոռաց դարձավ , սակայն հիշվում է ոչ թե ժպիտով, այլ դառը կսկիծով:

Հունիսի 21-ին նախատեսված էր Արաքսիայի և Նորայրի հարսանիքը: Ամեն ինչ պատրաստ էր, հրավիրված էին հյուրերը: Ամեն բան ընթանում էր ինչպես հայկական ավանդական հարսանիքներում է լինում:

Այդ օրը փեսան` Նորայրը որոշել էր ոչ թե «Լիմուզին»-ով հարսի ետևից գնալ, այլ բաց տանիքով ավտոմեքենա էր վարձել, որի ղեկին հենց ինքն էր:

Երբ արդեն եկեղեցու ճանապարհին էին, տեղի ունեցավ դժբախտ պատահար. մեքենան ավտովթարի ենթարկվեց, որի արդյունքում Նորայրը մահացավ:

Դեպքից հետո Արաքսիան հաճախում է հոգեբանի մոտ, ճիշտ է ` օգնում է, սակայն դեռ պատրաստ չէ հարաբերություններ սկսել այլ տղամարդու հետ: