Ինչպես հայտնի է` հոկտեմբերի 14-ին ''էրեբունի-Երևան 2794'' տոնակատարությանն ի թիվ այլ երգիչների, կմասնակցեն ուկրաինացի երգչուհի Վերա Բրեժնևան, ''Սերեբրո'' խումբն ու Տուրեցկու երգչախումբը:

''Վիա Գրա'' խմբի նախկին անդամ Բրեժնևայի երևանյան ելույթին սպասում են հատկապես տղամարդիկ` մտավախություն հայտնելով, թե չլինի հանկարծ շիկահեր գեղեցկուհու նմանակին բերեն ու իրենց սպասելիքները հօդս ցնդեն: Միջոցառման կազմակերպիչները, սակայն, վստահեցրել են, որ ''բնօրինակներ'' են լինելու ու անհանգստանալու կարիք չկա:

Նշենք` երկար ժամանակ խոսվում էր այն մասին, որ Վերայի ամուսնական կյանքում ամեն ինչ հարթ չէ, սակայն երգչուհին ամեն հարմար առիթի հերքում էր շրջանառվող լուրերը: Եվ ահա, օրերս Վերան հայտնել է, որ երկու ամիս առաջ պաշտոնապես ամուսնալուծվել է: Թե ինչու է քանդվել երգչուհու և գործարար Միխայիլ Կիպերմանի ընտանիքը, Վերան նախընտրել է լռել:

mamul.am