Ժամանակակից տղամարդիկ սկսել են մոռանալ նրբանկատության ու ջենթլմենության մասին։ Մինչդեռ գոյություն ունի կանոնների ցանկ, որոնք պահպանում է ուժեղ սեռի դաստիարակված ներկայացուցիչների մեծ մասը։ NEWS.am STYLE -ը ձեր ուշադրությանն է ներկայացնում դրանցից ընդամենը 10-ը։ Սակայն, պահպանելով դրանցից գոնե 5-ը՝ կարելի է նվաճել կնոջ սիրտը։

1. Սենյակ մտնելիս եւ դուրս գալիս տղամարդը կնոջ առջեւ բացում է դուռը, իսկ ինքը գնում է հետեւից։

2. Անհրաժեշտ է բռնել կնոջ արմունկից, եթե նա սայթաքել է։ Սակայն սովորական իրավիճակում տղամարդուն թեւանցուկ անելու որոշումն ընդունում է կինը։

3.Կնոջ ներկայությամբ տղամարդն առանց թույլտվության չի ծխում։

4.Աստիճանով բարձրանալիս կամ իջնելիս տղամարդն ապահովագրում է իր ուղեկցուհուն՝ նրանից մեկ-երկու աստիճան հետ կամ առաջ ընկնելով։

5.Վերելակ առաջինը մտնում է տղամարդը, իսկ դրանից դուրս գալիս պետք է առաջ թողնել կնոջը։

6. Ավտոմեքենայից առաջինը դուրս է գալիս տղամարդը, նա շրջանցում է տրանսպորտային միջոցն ու բացում կնոջ կողմի դուռը՝ նրան օգնելով մեքենայից դուրս գալ։ Այն դեպքում, երբ տղամարդն ինքն է վարում ավտոմեքենան, նա պետքէ բացի դուռն ու կնոջ արմունկից բռնի, երբ վերջինս նստում է մեքենայի առաջնամասում։ Իսկ եթե տղամարդն ու կինը տաքսու ուղեւորներ են, նրանք պետք է հետեւի նստարանին նստեն։ Առաջինը մեքենա է մտնում կինը, տղամարդը նստում է կողքին։

7.Մտնելով սենյակ, տղամարդը կնոջը պետք է օգնի հանել վերնահագուստը, իսկ սենյակից դուրս գալիս՝ օգնել այն հագնել։

8. Ըստ վարվելակարգի կանոնների, տղամարդը պետք է չուշանա կնոջ հետ հանդիպումից։ Ընդհակառակը, նա պետք է մի քանի րոպե շուտ գա, քանի որ նրա ուշանալը կարող է շփոթեցնել կնոջն ու նրան անհարմար դրության մեջ դնել։ Անկանխատեսելի դեպքերում անհրաժեշտ է զգուշացնել ու ներողություն խնդրել ուշանալու համար։

9. Խոսակցության ժամանակ տղամարդը պետք է ձեռքերի կրծքին կամ գրպանում չպահի։ Նմանապես չարժե ձեռքում տարբեր առարկաներ պտտել. դա զրուցակցի նկատմամբ անհարգալից վերաբերմունքն նշան է։