Մեր օրերում լուսանկարչական արվեստը տարածված միջավայր է ստեղծագործ մտքերը ցուցադրելու համար, սակայն չի կարելի ասել, որ դա հեշտ զբաղմունք է: Հատկապես եթե խոսքը սպորտային լուսանկարչության մասին է: Յուրահատուկ արվեստագիտական կայծով համեմումը հաճելի և բացառիկ շնորհ է տաղանդավոր սպորտային լուսանկարիչների դեպքում: Ներկայացնում ենք լավագույն սպորտային լուսանկարիչներին, ովքեր մշտապես իրադարձությունների կենտրոնում են և գիտեն ինչպես լավագույն լուսանկարներ անել:

1.Ավգուստին Մունոզ

Ավգուստին Մունոզը սպորտի փորձարարական տեսակների լուսանկարիչ է, որն արձանագրում է բուռն էներգիան, մահացու վտանգավոր տեսարանները, որոնք իսկապես հիացմունք կպարգևեն կրքոտ լուսանկարչության սիրահարներին: Սյորֆինգից մինչև կռիվ ցլերի հետ և հեծանվային մոտոկրոս. Մուրոզը նկարահանում է օդային և ջրային սպորտի տեսակները, որոնք ենթադրում են ռիսկի բարձր աստիճան և կիրք:

Լուսանկարիչը նաև յուրացրել է կադրերի հաջորդականության արվեստը սպորտի բոլոր տեսակների համար` ներկայացնելով մարզիկների շարժման յուրօրինակ հեռանկարները:

2.Ռեյ Դեմսկի

Կանադայում ծնված և ներկայումս Բեռլինում ապրող այս լուսանկարիչը ադրենալինի սիրահար է, ով կենտրոնացնում է իր ստեղծագործությունը շարժման վրա` հիմնականում սպորտի արագ տեսակների և պարերի վրա:

3.Մարսել Լեմմերհիթ

Նա գերմանացի լուսանկարիչ է, ով իր աշխատանքնային գործունեությունը սկսել է 2005 թ: Նա տնակ է վարձել Ավստրիայի լեռներում, այնտեղ է հրավիրել պորֆեսիոնալ սնոուբորդիստներին` հույս ունենալով լավ լուսանկարներ անել: Նա այդ լուսանկարներն ուղարկել է ամսագրերին: Նրա տակտիկան հաջողվել է, քանի որ այժմ նա հիանալի լուսանկարներ է ստեղծում:

4.Ջոնաթան Լուկաս

Լոնդոնում բնակվող Լուկասը նախկին սնոուբորդիստ է, ով կարողանում է անմահացնել իր գործընկեր-մարզիկների կայծակնային գործողությունները: Նրա ամենահաջող աշխատանքները, ամենայն հավանականությամբ, պարկուրի լուսանկարներն են: Լուկասին հաջողվում է կանգնեցնել ժամանակը, երբ նա նկարում է արագ, անկանխատեսելի շարժումները:

5.Սթյուարտ Գիբսոն

Գիբսոնը ապրում է Տասմանիայում (Ավստրալիա), որտեղ նա լուսանկարում է սյորֆինգով զբաղվողներին, ովքեր թռչում են գեղեցիկ ու վտանգավոր ալիքների վրայով:

6.Թիմ Կորբմախեր

Ներկայումս կորբմախերը ապրում է Դյուսելդորֆում: Նա ևս մինչ լուսանկարիչ դառնալը սքեյթբորդիստ է եղել: Այժմ, լինելով ազատ լուսանկարիչ, նա հիանալի լուսանկարեր է ստեղծում` սնոուբորդիստների, սքեյթբորդիստների, լեռնային բայքերների մասնակցությամբ: 

7.Թոմաս Գուդզովատի

Այս լուսանկարիչը կենտրոնացել է քիչ վտանգավոր սպորտի տեսակների վրա, ինչպիսիք են սինխրոն լողը, սումոն, ազատ վազքը և քաղաքային գոլֆը: Նա իր լուսանկարներին մոտենում է որպես լրագրող:

8.Ջայդեր Լոզանո

Նա 27-ամյա լուսանկարիչ է, որ բնակվում է Աստուրիայում (Իսպանիա): Նրա լուսանկարները ևս կենտրոնացած են սյորֆինգի վրա, սակայն, ի տարբերություն շատերի, նա օգտագորոծում է տաք գույները կամ մոնոխրոմ համակարգեր:

9.Վլադիրմիր Ռիս

 Նա աշխարհով ճանապարհորդող լուսանկարիչ է, որ ծնվել է Պրահայում: Նա լուսանկարում է սպորտի ամենատարբեր տեսակները, սակայն նրա լավագույն լուսանկարները վերաբերում են ավոտսպորտին. «Ֆորմուլա 1»-երին նա հետևում է ամեն տարի:

10.Ալեքս Շելբերտ

Լուսանկարիչ Ալեքս Շելբերտը, որ ապրում է Գերմանիայում, օժտված է մեծ էներգիա պահանջող և փորձարարական սպորտի պահերը անմահացնելու յուրահատուկ տաղանով: Լեռնային բայկինգից և հեծանվային մոտոկրոսից մինչև ազատ ոճի մոտոկրոս և արագ վայրէջք չմուշկներով. ահա սրանց է նա նախապատվություն տալիս:

1in.am