Դագաղներ պատրաստող լեհ Դոմոնիկ Լինդերի գործունեությունը հարուցել է կաթոլիկ եկեղեցու զայրույթը: Բանն այն է, որ նա արդեն 4-րդ տարին մեծ օրացույցներ է պատրաստում, որտեղ իր արտադրանքը գովազդում են մերկ մոդելներ: Նրա ընկերության կայքում կարելի է պատվիրել օրացույցներ՝ տարբեր մոդելների մասնակցությամբ. ընդ որում՝ ամեն տարի աղջիկներն ավելի բաց տեսարաններում են նկարվում: Եկեղեցու մամլո ծառայությունը նման վերաբերմունքը որակել է թեթևամիտ վերաբերմունք մահվան նկատմամբ:

Այս առիթով դագաղագործը մեկնաբանել է. «Որոշ մարդկանց օրացույցների գաղափարը դուր է գալիս, մյուսներին՝ ոչ, սակայն մենք պարզ փիլիսոփայությամբ ենք շարժվում. մեզ համար սա սովորական ապրանք է, իսկ մահը ձգում է մարդկանց այնպես, ինչպես կանայք: Լեհ կանանց գեղեցկությունը համատեղելի է մեր պատրաստած դագաղների գեղեցկության հետ»:

Կաթոլիկ եկեղեցուց հայտնել են, որ մարդու մահվանը պետք է լրջորեն մոտենալ ու չկապել այն սեռական հաճույքների հետ:

 

 

 

 Zham.am