Երիտասարդ զույգի համար մեկ սենյականոց բնակարանը, թվում է, մեծ տարածք, միայն թե չապրեն ծնողների հետ: Իսկ  ինչպե՞ս վարվել, եթե փոքրիկը քնում է նույն սենյակում ծնողների հետ, մինչ ո՞ր տարիքը կարելի է նրա ներկայությամբ սեքսով զբաղվել և ինչպե՞ս վարվել, երբ փոքրիկը մեծանում է և արդեն «նեղվածք» է տանը երեքի համար:

Մի ամբողջ խորհրդային  սերունդ մեծացել է նմանատիպ պայմաններում: Եվ, փառք Աստծո, նրանք ողջ են և հոգեպես առողջ:  Այլ բան է, որ ժամանակակից երեխաներն ավելի բանիմաց են,շատ բան գիտեն  ինտիմ կյանքի

մասին և դժվար թե վեցամյա փոքրիկը հավատա, որ դուք սպորտով եք զբաղվում:

Ինչ անել այս իրավիճակում.

• Բնակարանային հարցը կարելի է լուծել միջնապատի միջոցով: Եթե տարածքը թույլ չի տալիս նման վերափոխում, ապա փոխեք «տեղաբաշխումը»: Չէ որ բացի սենյակից,  տանը կա նաև խոհանոց և լոգարան: Համաձայնեք, մշտապես  սենյակում սեքսով զբաղվելն անգամ ձանձալի է:
• Կարող եք նաև նրանց համար արձակուրդ կազմակերպել և հանգստյան օրերին տատիկի մոտ թողնել: Կարելի է նաև խոհանոցի մի անկյունում նրա համար փոքր անկողին դնել կամ ամռանը նույնը անել պատշգամբում: Հավատացեք՝ Ձեր փոքրիկն ինքը մեծ հաճույքով այնտեղ կառանձնանա և կգիշերի, որպեսզի հնարավորություն ունենա միայնակ լինել և ինչ-որ հետաքրքիր բանով զբաղվել:
• Որպեսզի սեքսը լինի հնարավորինս անձայն, պետք է ընտրել ճիշտ դիրքեր: Միսիոների և ձիավարի դիրքերն այս պարագայում բացարձակ տեղին չեն: Պառկեք՝ դեմքով միմյանց: Թող շարժվի միայն տղամարդը՝ դանդաղ շարժումներով: Կամ ընդունեք գդալի դիրք՝ կինը կողքի է պառկում՝ մեջքով դեպի տղամարդը:
• Կարելի է զերծ մնալ անախորժություններից, եթե ժամանակին փոքրիկին պատրաստեք դրան: Դուք և Ձեր ամուսինը չպետք է ամաչեք նրա ներկայությամբ միմյանց գուրգուրելուց: 5 տարեկանից բարձր երեխաների համար կան  սեռական դաստիարակության գրքեր՝ նրանց համար մատչելի լեզվով: Ժամանակ առ ժամանակ միասին նայեք գիրքը և  առանց ամաչելու  բացահայտ խոսեք նրա հետ: Եվ եթե հանկարծ պատահմամբ արդեն չափահաս երեխան տեսնի ձեզ սեքսով զբաղվելիս, ապա  կարիք չի լինի նրան տալ բազմաթիվ հորիված բացատրություններ: