Ռուսաստանյան հայտնի հաղորդավար, եւ հասարակական գործիչ Քսենիա Սոբչակն ու դերասան Մաքսիմ Վիտորգանը գաղտնի ամուսնացել են։ Ինչպես տեղեկացնում է 1tvnet.ru-ն, Քսենիան եւ Մաքսիմը իրենց մտերիմ ընկերներին մեկտեղելով մոսկովյան կինոթատրոններից մեկում, հայտնել են շշմեցնող նորությունը։

Պարզվել է, որ նորապսակները ընկերների ժամանելուց մի քանի ժամ առաջ են ամուսնացել Ռուսաստանի մայրաքաղաքի քաղաքացիական ակտերի գրանցման գրասենյակներից մեկում։ Պսակադրութունն անցել է հույժ գաղտնի պայմաններում։ Վիտորգանն ու Սոբչակը նույնիսկ հարազատներին տեղյակ չեն պահել։

Հատկանշական է, որ Սոբչակն իր հարցազրույցներում բազմիցս նշել է, որ «ամուսնությունն իր համար չէ, որ ինքն ուժեղ կին է, եւ դժվարանում է այնպիսի տղամարդ գտնի, ով կհասկանա իրեն»։

Այս պատճառով է նրանց ամուսնության լուրը շշմեցուցիչ եղել մտերիմների  համար։

NEWS.am STYLE