Հուլիսի 26-ին ժամը 03.32-ին ԱԻՆ ահազանգ է ստացվել, որ Երևան-Գյումրի ավտոճանապարհի 92-րդ կմ-ում (Լանջիկ-Մարալիկ ճանապարհահատված) տեղի է ոնեցել ՃՏՊ, կան տուժածներ. անհրաժեշտ է փրկարարների օգնությունը: Դեպքի վայր է մեկնել Մարալիկ քաղաքի հրշեջ-փրկարարական ջոկատի օպերատիվ խումբը և մարզային փրկարարական ջոկատը: Դեռևս չպարզված հանգամանքներում՝ բախվել են ''ԳԱԶ-24'' մակնիշի 07 ՕՕ 665 և ''ՕՊԵԼ'' մակնիշի 27 ՍԼ 940 պետհամարանիշերով ավտոմեքենաները: Մինչ փրկարարների` դեպքի վայր հասնելը` ''ՕՊԵԼ'' ավտոմեքենայի ուղևորներ՝ 1985թ. ծնված Գրիգոր Աբրահամյանը, 1982թ. ծնված Վրեժ, 1985թ. ծնված Վազգեն և 1983թ. ծնված Սարգիս Հակոբյանները և ''ԳԱԶ-24'' ավտոմեքենայի ուղևոր՝ 1979թ. ծնված Արամ Պետրոսյանը տարբեր աստիճանի մարմնական վնասվածքներով հոսպիտալացվել են Գյումրի քաղաքի ''Գյուլբենկյան'' բժշկական կենտրոն: Փրկարարները դուրս են բերել ''ՕՊԵԼ'' մակնիշի ավտոմեքենայի վարորդ՝ 1955թ. ծնված Սարգիս Հովհաննիսյանի դին և ''ԳԱԶ-24'' ավտոմեքենայի վարորդ՝ 1958թ. ծնված Աշոտ Ահարոնյանին, ով նույնպես տարբեր աստիճանի մարմնական վնասվածքներով հոսպիտալացվել է Գյումրի քաղաքի ''Գյուլբենկյան'' ԲԿ: Տուժածների առողջական վիճակը բժիշկները գնահատել են ծանր:

mamul.am