Մադրիդի «Ռեալի» կիսապաշտպան Էստեբան Գրաներոն հայտնվել է անգլիական ակումբների ուշադրության կենտրոնում, տեղեկացնում է Marca-ն:

Պարբերականը գրում է՝ ֆուտբոլիստը կարող է գնալ Նուրի Շահինի ճանապարհով ու տեղափոխվել ԱՊԼ, որտեղ նրա ծառայություններով են հետաքրքրված «Տոտենհեմն» ու «Քուինզ Պարկ Ռեյնջերսը»:

«Ռեալի» հետ Գրաներոն գործող պայմանագիր ունի մինչև 2013 թվականը, ակումբի ղեկավարությունը հետաքրքրված է ֆուտբոլիստի տրանսֆերով: Այդուհանդերձ, անգլիական ակումբները ցանկանում են նրան ձեռք բերել վարձակալությամբ:

Էստեբանի գործակալն արդեն քննարկում է իր ֆուտբոլիստի ապագան «Ռեալի» հետ: Լուրեր են տարածվել, որ բացի անգլիական ակումբներից խաղացողով հետաքրքրված են «Բետիսը» և «Մալագան»:

Realmadrid.am